Sentro Kultural Kòrsou
Musika - Arte | Letra - Baile - Teater
Riba dia 30 di desèmber 1949 ”Cultureel Centrum Curacao/Sentro Kultural Kòrsou”
a keda fundá, ku e siguiente ophetivonan:
1. Promoshon di bida kultural den Antia Hulandes en general i na Kòrsou en partikular.
2. Traha huntu ku otro organisashonnan na Antia Hulandes, Aruba i den Karibe ku tin e mes ophetivonan, ku e meta pa kordiná interkambio kultural entre e organisashonnan aki.
Atraves di su historia di mas ku 65 aña, CCC a kontribuí na desaroyo kultural di Kòrsou, pa tantu loke ta trata e parti material komo esun emoshonal.
E áreanan di kultura den kua CCC ta operá, ta: músika, literatura, teatro, baile, arte visual i eventonan sosial kaminda tur e aspektonan kultural aki ta wòrdu representá.
CCC tin e siguiente Vishon i Mishon:
Vishon
Mishon
Ta e institushon pa edukashon den ekspreshon kultural pa komunidat di Kòrsou en partikular i kaminda esaki ta posibel, tambe pa nos region.
Kontribuí na kalidat di bida di komunidat Kurasoleño dor di promové aktividatnan kultural i sosio-kultural.
Fuera di esaki CCC tin hopi interes pa hubentut komo ku ta nan lo tin ku karga nos kultura den futuro i ta ofresé proyektonan pa enbolbí nos hubentut den desaroyo kultural di nos isla.
CCC ta un fundashon no-komersial, no-pólitiko, ku un direktiva ku ta konsistí di maksimalmente nuebe miembro i ainda ta dependé pa loke ta su finansas di supsidio di gobièrnu, rekoudashon di fondo i donashon.
 |
|---|
 |
 |
 |
 |
 |
 |
 |
 |
 |
 |
 |
 |
 |
 |
 |