Músika

Akademia di Músika Edgar Palm ta enkargá ku enseñansa di músika pa CCC.

Nos dosentenan ta spesialisá den dunamentu di lès di tur tipo di instrumento, kubriendo tur género di músika,

for di músika klásiko te ku pop.

Kultura di Kòrsou ta masha riku na tur sorto di músika, komo ku esaki ta un refleho di nos multi-etnisidat i nos historia oropeo-karibense.

 

Den siglonan 16 i 17, kolonisadónan Spañó i Hulandes a bin ku nan músika klásiko manera, wals, polka etc. aki for di Oropa. Despues durante siglo 17 i 18 katibunan Afrikanu a trese nan músika tribal Kòrsou. E diferente tipo di músikanan aki a wòrdu mesklá i asina a krea un estilo di músika lokal hopi riku i úniko. Di e manera aki nos propio wals, polka, mazurka, tumba i tambú a nase.

E género lokal aki a wòrdu tresé te den e époka aktual dor di músikonan hopi talentoso manera Joseph Sickman Corsen, Edgar Palm i tambe Wim Statius-Muller.

Pa mantené nos músika lokal bibu awor aki i konserv'é pa nos futuro generashonnan, nos dosentenan ta dediká atenshon èkstra den e kuríkulo na nos mes estilo di músika.

 

Nos lèsnan di músika ta repartí komo lo siguiente:

 

•  Instrumento (individual òf den grupo)

•  Bos (individual òf kor)

•  Enseñansa di músika en general

 

Nos tin lès pa mucha atardi i pa adolesente i adulto den oranan

di anochi. Tin tarifa speshal pa mucha i studiante.

Un grupo di penshonado ta haña lès den oranan di mainta.